लकडाउन केही खुकुलाे बनाइएसँगै दक्षिण कोरियामा ह्वात्तै बढ्यो कोरोना संक्रमण

३० बैशाख २०७७ काठमाडौं । कोरोना भाइरसको संक्रमण कम हुँदै गएको भन्दै लकडाउन केही सहज बनाइएपछि दक्षिण कोरियामा फेरि संक्रमितको संख्या ह्वातै बढ्न थालेको छ ।

विशेषगरी रात्रिकालीन सेवाहरू सञ्चालन खुकुलो बनाइएपछि सो क्षेत्रबाट नयाँ संक्रमित बढेका हुन् । पछिल्लो दुई दिनमा २ जनाको मृत्यु भएको र ६२ जना नयाँ संक्रमित थपिएका छन् ।

राजधानी सियोलका रात्रिकालीन सेवा दिने विभिन्न होटल, रेष्टुरा तथा क्लबका आगन्तुकले गलत सम्पर्क नम्बर र ठेगाना टिपाउँदा सम्भावित संक्रमितको खोजीमा समेत अप्ठ्यारो भएको जनाईएको छ ।

संक्रमितको संख्या बढेपछि यसैसाता देखि विद्यालय सञ्चालन गर्ने तयारी गरेको कोरियाले तत्कालै विद्यालय सञ्चालन नगर्ने निर्णयमा पुगेको सञ्चार माध्यमहरुले जनाएका छन् ।