- २९ भाद्र २०८३, सोमबार / Sep 14, 2026
३० बैशाख २०७७ काठमाडौं । नेपालमा संक्रमितको संख्या ह्वातै बढेपछि गृहमन्त्रालयले मंगलबार एक निर्णय गर्दै जेठ १ गतेदेखि लागु हुने गरी एक जिल्लाबाट अर्को जिल्लाम जान रोक लगाएको छ ।
एकै दिन ५७ जना कोरोना भाइरस संक्रमित भेटिएपछि सरकारले एक जिल्लाबाट अर्को जिल्लामा जान यस्तो प्रतिबन्ध लगाएको हो । यसअघि जारी गरिएका सबै किसिमका पास रद्द गर्ने निर्णय गरेर कोरोना संक्रमण नियन्त्रण लिन थालिएको हो ।
गृहका सूचना अधिकारी एवम् उपचसचिव उमाकान्त अधिकारीले एक जिल्लाबाट अर्को जिल्लामा आवागमन रोक्न यसअघि जारी गरिएका ई पाससहितका सम्पूर्ण पास रद्द गरिएको बताए । गृहले एउटै जिल्लाभित्र आवतजावतका लागि पनि अनिवार्य सवारी पास चाहिने नियम लागू गर्ने निर्णय लिएको छ।
अब परिचय पत्र मात्रै देखाएर सडकमा निस्कन पाइँदैन भन्दै सरकारले सातअघि लकडाउन खुकुलो बनाउने निर्णय गरेसँगै सरकारी कर्मचारी, बैंक तथा वित्तीय संस्था, उद्योग र निर्माण क्षेत्रसहितका मानिसहरुले आफू कार्यरत कार्यालयको परिचय पत्रका आधारमा सवारीसाधन चलाइरहेका थिए।
