शिवकुमारको अन्तिम रिर्पोट नेगेटिभ आएपछि कोरोना सङ्क्रमण नभएको पुष्टि

पर्सा । वीरगञ्जका शिवकुमार रुङ्गटालाई कोरोना भाइरसको सङ्क्रमण नभएको पुष्टि भएको छ । भारतको पटना उपचार गराइरहेका शिवकुमारको रिपोर्ट नेगेटिभ भएको अस्पतालले पुष्टि गरेको हो ।

उनका भाइ सुरेश रुङ्गटाले पनि पटनामा भएको परीक्षणमा कोभिड १९ नेगेटिभ देखिएको जानकारी दिए । आइतबार दिउँसो उहाँमा कोभिड १९ को सङ्क्रमण देखा परेको भन्ने समाचार सार्वजनिक भएपछि वीरगञ्जको जनजीवन एकाएक त्रसित भएको थियो ।

रुङ्गटा आफन्तको विवाहमा भाग लिन केही दिन अगाडि भारतको कोलकाता गएका थिए। कोलकाताबाट दिल्ली हुँदै एक हप्ता अगाडि वीरगञ्ज आएका रुङ्गटालाई ६ दिनपछि ज्वरो आएको थियो । त्यही ज्वरोको उपचारका पटना गराएका रुङ्गटालाई अस्पतालले नै सुरुमा ५० प्रतिशत कोरोना सङ्क्रमण भएको तर अन्तिम रिपोर्ट आएपछि मात्र केही भन्न सकिने भन्दै आशङ्का गरेको परिवारका सदस्यले जनाएका थिए ।

अस्पताले अन्तिम रिपोर्ट नेगेटिभ आएको बताए पछि अहिले परिवारले राहत महसुस गरेको उनका भाइले बताएका छन् ।