- ११ बैशाख २०८३, शुक्रबार / Apr 24, 2026
इरान । सर्वोच्च नेता अलि खामेनीले आफ्नो मुलुकले कोभिड–१९ विरूद्धको लडाईँमा अमेरिकासँग कुनै पनि सहयोग स्वीकार नगर्ने बताएका छन् ।
आइतबार इरानमा थप १ सय २९ जनाको मृत्यु भएसंगैइरानी नेताले चाहेमा अमेरिकाले कोभिड–१९ विरूद्धको लडाईँमा सहयोग गर्नसक्ने बताएका थिए । त्यसको जवाफमा सर्वोच्च नेता खामेनीले कुनै पनि सहयोग नलिने बताए ।
अमेरिकालाई कसैले विश्वास नगर्ने भन्दै खामेनीले सहयोगको नाममा ल्याउने औषधी इरानको नागरिकको पक्षमा हुनेमा बताएका छन् । इरानमा कोभिड–१९ का कारण अहिलेसम्म एक हजार ६ सय ८५ जनाको मृत्यु भैसकेको छ भने २१ हजार ६ सय ३८ जनामा कोरोना भाइरस सङ्क्रमण पुष्टि भएको छ ।
इरानले अमेरिकी सहयोगलाई अस्वीकार गर्ने दोहोराउँदै खामेनीले वासिङ्टनलाई इरानविरोधी शत्रुको आरोप लगाएका छन् । इस्लामिक गणतन्त्रमा भाइरस निर्मूलका नाममा उल्टै फैलाउन सक्ने भन्दै अमेरिकालाई आफ्नो सबैभन्दा ठूलो शत्रुका रूपमा लिएको बताएका छन् । एजेन्सी
