उत्पादकत्व वृद्धि गर्न खेर गइरहेको जमिन प्रयोगमा ल्याउने

२ जेठ २०७७ काठमाडौं । उत्पादकत्व वृद्धि गर्न राष्ट्रपति विद्यादेवी भण्डारीले खेर गइरहेको जमिनलाई प्रयोगमा ल्याउन अभियान सञ्चालन गर्ने सरकारले नीति लिएको बताएकी छिन् ।

संघिय संसदको संयुक्त बैठकमा सरकारको नीति तथा कार्यक्रम प्रस्तुत गर्दै उनले १० वर्षमा उत्पादन दोब्बर गर्नका लागि व्यवसायीककरण र आधुनिकीकरणमा जोड दिने बताइन् । उनले मुलुक कोरोना भाइरसको चपेटामा परेको कारणले विकास गतिमा धक्का पुगेको जिकिर गरिन् ।

आर्थिक सुधारका लागि कृषि उत्पादनमा जोड दिनुपर्ने भन्दै उनले वेरोजगारीलाई रोक्नका लागि व्यवसायीक कृषि र उत्पादन मुलक सेवाका कार्यक्रम परिचलान गर्ने बताइन् । खेर गएको जमिनलाई उपयोगमा ल्याउने बताउँदै उनले रासायनिक मल र उन्नत बीउको वितरण तथा सिंचाई क्षेत्रको पनि विस्तार गर्ने बताइन् ।

धान, मकै आलु लगायतको उत्पादनमा वृद्धि भएको बताउँदै उनले अगामी आर्थिक वर्षमा थप आधुनिकीकरण, व्यवसायीककरण र यान्त्रिककरणमा जोड दिई उत्पादनमा जोड दिइने बताइन् ।