- २४ श्रावण २०८३, आईतवार / Aug 9, 2026
९ बैशाख २०७७ काठमाडौं । उदयपुरको मस्जिदका थप एकजनालाई कोरोना संक्रमित भएसंगै नेपालमा कोरोना संक्रमितको संख्या ३२ पुगेको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा उदयपुरको त्रियुगा नगरपालिका(३ भुल्केस्थित मस्जिदकै अर्का एकजना ३८ वर्षीय पुरुषलाई कोरोना संक्रमण भएको पुष्टि भएको हो।
मस्जिदमा रहेका १३ जनालाई यसअघि कोरोना भएको पुष्टी भएको थियो । सो मस्जिदमा १२ भारतीय र ४ जना नेपाली बसेका थिए । चारजना निको भएर घर फर्किएका छन् भने अहिले विभिन्न अस्पतालमा २७ जना बिरामीको उपचार भइरहेको छ । टेकु अस्पतालबाट दुईजना, बागलुङस्थित धौलागिरि अस्पतालबाट एकजना र कैलालीस्थित सेती अस्पतालबाट एकजना उपचार गरेर घर फर्किसकेका छन् ।
अहिले टेकु अस्पतालमा एकजना, पर्सास्थित नारायणी क्षेत्रीय अस्पतालमा ४ जना, बागलुङको धौलागिरि अस्पतालमा अस्पतालमा १ जना, सेती अस्पतालमा चारजना, विराटनगरस्थित कोरोना अस्पतालमा १३ जना र चितवनस्थित कोरोना अस्पतालमा दुईजनाको उपचार चलिरहेको स्वास्थ्य मन्त्रालयले जनाएको छ ।
