- २७ असार २०८३, शनिबार / Jul 11, 2026
चामुण्डा । नगरपालिकाका सवै वडामा कम्तिमा २० जना क्षेमताको क्वारेन्टाइन बनाउने निर्णय चामुण्डा विन्द्रासैनी नगरपालिकाले निर्णय गरेको छ ।
१५ शैयाको चामुन्डा विन्द्रासैनी अस्पताललाई आइशोलेसन उपचार व्यवस्था गरेको नगरप्रमुख सूर्य बहादुर शाहीले बताए । बजेटिङ्गको व्यवस्थाका लागि सरसल्लाह मिलाउन लागेको भन्दै शाहीले लकडाउनको अवस्थामा आवाश्यक्ताका आधारमा घरको एक जनामात्र मास्क लगाएर बाहिर निस्कने बताए ।
नागरिकको स्वास्थ्यलाई ध्यानमा राखेर उच्च सतर्कता अपनाएको शाहीले जानकारी दिए । त्यस्तै आठबीस नगरपालिकाले भारतबाट आएकालाई स्कुल स्कुलमा क्वारेन्टाइनको व्यवस्था मिलाएको जनाएको छ ।
कोरोना भाइरस फैलन नदिन नियन्त्रणका लागि स्वास्थ्यकर्मीलाई अहोरात खटिन निर्देशन दिएको नगरप्रमुख खड्गराज उपाध्ययले बताए । घरबाहिर ननिस्किएर लकडाउनलाई सहयोग गर्न नगरवासीलाई आग्रह गरेको भन्दै उपाध्ययले राजनैतिक दलले पनि सहयोग गर्न सुझाव दिए ।
राकम स्वास्थ्य चौकीलाई चौविसै घण्टा उपचारका लागि तयारी अवस्थामा राखिएको बताए । सबै वडालाई सतर्क रहन आग्रह गरेर बाहिरबाट आएकालाई वडाले नै क्वारेन्टाइनमा राख्न निर्देशन दिएको बताए ।
त्यस्तै ठाटीकाँध गाउँपालिकाले पनि उच्च सर्तकता अपनाएको बताएको छ । गाउपालिकाका सवै वडाका वडाध्यक्षलाई कोरोना भाइरस फैलन नदिन जनतालाई सचेतना फैलाउन आग्रह गरिएको गाउँपालिकाले जनाएको छ ।
