- ४ कार्तिक २०८३, बुधबार / Oct 21, 2026
१६ बैशाख २०७७ काठमाडौं । आज थप दुई जनामा कोरोना संक्रमण पुष्टि भएसँगै नेपालमा संक्रमितको संख्या ५४ पुगेको छ । रौतहटका दुई पुरुषमा संक्रमण पुष्टि भएसँगै नेपालमा संक्रमितको संख्या ५४ पुगेको हो ।
भारतबाट आएर कवारेन्टाइनमा बसिरहेका उनीहरुको नमुना परीक्षण गर्दा पोजेटिभ देखिएको स्वास्थ्य तथा जनसंख्या मन्त्रालयक प्रवक्ता डा. विकास देवकोटाले बताए । भारत लगायत अन्य मुलुकबाट आएका अधिकांश व्यक्तिहरुमा नेपालमा संक्रमण देखिएको हो ।
को शी अस्पतालमा सबैभन्दा बढी ३१ जनाको उपचार भइरहेको छ भने नारायणी अस्पतालमा ३, चितवनमा ३ र सेती प्रादेशिक अस्पतालमा १ जना संक्रमितको उपचार भैरहेको छ । १६ जना उपचारपछि निको भएर घर फर्किएका छन् ।
५४ हजार ८ सय २६ मा परीक्षण भएको पिसिआर विधिबाट १० हजार ८ सय ७ र आरडिटीबाट ४४ हजा १९ वटा नमुना परीक्षण भएको मन्त्रालयका प्रवक्ता देवकोटाले बताए ।
https://www.facebook.com/Kailashkhabarnews/videos/2610734735804887/
प्रदेश नम्बर १ मा ४ हजार ८ सय २८
प्रदेश नम्बर २ मा ५ हजार २ सय ४९
बागमती प्रदेशमा ८ हजार ४ वटा आरडिटी परीक्षण भएका छन् ।
गण्डकी प्रदेशमा ४ हजार ९ सय ३६
प्रदेश नम्बर ५ मा ५ हजार ३ सय २८
कर्णाली प्रदेशमा ५ हजार १ सय ८१
सुदूरपश्चिम प्रदेशमा १२ हजार २ सय ८३ वटा आरडिटी परीक्षण भएका छन् ।
देशभरी अहिले २२ हजार ९९ जना क्वारेन्टाइनमा रहेका छन् । प्रदेश नम्बर ५ मा सबैभन्दा बढी १२ हजार १ सय ६४ जना क्वारेन्टाइनमा रहेका छन् । प्रदेश नम्बर १ मा २ हजार २ सय ८८, प्रदेश नम्बर २ मा १ हजार ५ सय १२, बागमती प्रदेशमा ३ सय ६१ र गण्डकी प्रदेशमा ६ सय ७६ जना क्वारेन्टाइनमा रहेका छन् ।
यसैगरी कर्णाली प्रदेशमा १ हजार ३ सय ९ र सुदूरपश्चि प्रदेशमा १ हजार ३ सय ९ जना क्वारेन्टाइनमा रहेका छन् । काठमाडौं उपत्यकामा ४ र बाहिर १ सय ३ गरी १ सय ७ जना आइसोलेसनमा उपचाररत रहेको प्रवक्ता देवकोटाले जानकारी दिए ।
