गाडीको ठक्करबाट भक्तपुरमा पैदल यात्रुको मृत्यु

भक्तपुर । मध्यपुर थिमी नगरपालिका–५ प्राणोदय स्कुल नजिकै गाडीले ठक्कर दिँदा पैदल यात्रुको मृत्यु भएको छ । दुर्घटनामा सिन्धुपाल्चोक घर भई मध्यपुर थिमी नगरपालिका–६ पुरानोठिमी बस्ने २५ वर्षे ज्योती मगरको मृत्यु भएको महानगरीय प्रहरी परिसर भक्तपुरले जनाएको छ ।

पैदल हिडिरहेकी मगरलाई प्रायोदय स्कुल नजिकै बा १२ च ५६५६ नम्बरको पानी बोक्ने हात्ती गाडीले आज बिहान ठक्कर दिएको थियो । गम्भिर बनेकी मगरलाई अस्पताल लगिए पनि उपचारको क्रममा मृत्यु भएको डिएसपी रेवतीरमण पोखरेलले जानकारी दिए ।

ठक्कर दिने सवारी चालक बेलबहादुर तामाङलाई महानगरीय प्रहरी वृत्त ठिमीले नियन्त्रणमा लिएर अनुसन्धान थालिसकेको छ ।