- २५ असार २०८३, बिहीबार / Jul 9, 2026
काठमाडौं । नेपालमा एकजना कोरोना संक्रमित भेटिएपछि चीनले सम्भावित जोखिमसँग जुध्न नेपाललाई सहयोग सामाग्रीसहित चिनियाँ विमान नेपाल पठाउन लागेको छ ।
(कोभिड १९) को संक्रमण नियन्त्रण गर्न चीन सरकारले नेपाल सरकारलाई आवश्यक स्वास्थ्य सामग्री सहयोग गर्ने जानकारी दिएको थियो । चीनको ग्वान्जाउबाट सहायता सामग्री बोकेको विमान काठमाडौं आउन लागेको छ ।
नेपाल सरकारले कोरोना भाइरसविरुद्ध पर्याप्त औषधि उपकरण नभएको जानकारी दिएपछि चीन सरकारले उक्त सामग्रीसहितको विमान काठमाडौं पठाउन लागेको जनाएको छ ।
चिनियाँ राजदूत होउ यान्कीले नेपाल एक्लै नरहेको बताउँदै चीन सदैव नेपालको साथमा रहेको उल्लेख गर्दै आवश्यक सहयोग सामाग्री पठाउने तयारी भइरहेको बताएकी थिइन् । चीनको राष्ट्रिय ध्वजावाहक चाइना साउदर्न एयरलाइन्स उक्त सामान बोकेर नेपाल आउन लागेको जनाईएको छ ।
