जबर्जस्ती कक्षा सन्चालन किन ?

१२ साउन २०७७ । कोरोनाको इपिसेन्टर प्रदेश नम्बर १ बनेको भन्दै कचनकवल गाउँपालिकाले केही निजी विद्यालयले जबरजस्त कक्षा सञ्चालन गरेको बन्द गर्न आग्रह गरेको छ ।

सामुदायिक तथा संस्थागत विद्यालयले वैकिल्पक सिकाइ सहजीकरण गर्नुपर्नेमा विद्यालय नै खोलेर कक्षा सञ्चालन गरेकोले तुरुन्त बन्द गर्न अनुरोध गरेको हो । लकडाउन खुले पनि कोडिभ–१९ को जोखिम झन बढेर गइरहेकोले विद्यालय खोली पठनपाठन गर्न नहुने गाउँपालिका अध्यक्ष अञ्जार आलमले बताए ।

गाउँपालिकाको शिक्षा शाखाले केही दिन अघि गरेको अनुगमनका क्रममा वडा नम्बर २ र वडा नम्बर ७ मा रहेका निजी विद्यालयले कक्षा कोठाभरि विद्यार्थी राखेर पठनपाठन गरिरहेको पाएपछि बन्द गराएको थियो । कचनकवल गाउँपालिकाका मात्र १३५ जना कोरोना सङ्क्रमित थिए । जसमध्ये १३४ जना निको भएर घर फर्किएका छन् ।