- २१ भाद्र २०८३, आईतवार / Sep 6, 2026
१८ बैशाख २०७७ काठमाण्डौ । अमेरिकाका राष्ट्रपति डोनाल्ड ट्रम्पले चीनमाथि गम्भिर आरोप लगाएका छन् ।
रोयटर्ससंग कुराकानी गर्दै ट्रम्पले चीनले आफुलाई दोस्रो पटक राष्ट्रपति हुन नदिन अनेक चाल चलिरहेको बताए । चीनले कोरोना भाइरसको महामारीलाई अबलम्वन गरेको प्रक्रिया नै प्रमाण भएको भन्दै ट्रम्पले आउँदो नोभेम्बरमा हुने राष्ट्रपतीय चुनावमा चीनले आफूलाई रोक्न जे पनि गर्न सक्ने आरोप लगाए ।
कोरोना भाइरस चीनले बनाएको हो भन्दै ट्रम्पले लगातार आरोप लगाउँदै आइरहेका छन् । अमेरिकामा कोरोना भाइरसको कारण मानवक्षेती धेरै भएको छ ।
अर्थव्यवस्था पनि नराम्रोसँग प्रभावित भएको छ । कोरोना भाइरसबाट अमेरिका सबैभन्दा बढी प्रभावित भएको छ । तर ट्रम्पले यसलाई गम्भीर रुपमा नलिएको भन्दै आलोचना पनि भएको छ ।
