भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

प्रख्यात अभिनेता ऋषि कपूरको आजै अन्त्येष्टि

प्रख्यात अभिनेता ऋषि कपूरको आजै अन्त्येष्टि

१८ बैशाख २०७७ मुम्बई । बिहिबार निधन भएका भारतीय फिल्म उद्योगका प्रख्यात अभिनेता ऋषि कपूरको आजै अन्त्येष्टि गरिने भएको छ ।

उनको मुम्बईको मरिन लाइन्स क्षेत्रको चन्दनवाडीमा दाहसंस्कार गरिने छ। लकडाउनको कारण १५ जना आफन्तलाई मात्र अन्त्येष्टिमा सम्मिलित हुन प्रशासनले अनुमति दिएको भारतीय सञ्चार माध्यमले जनाएका छन् ।

अन्तिम दर्शनको लागि नीतु कपुर, रणबीर कपुर, रणधीर कपुर मुम्बईमा छन् । दिवंगत अभिनेता ऋषि कपुरकी छोरी रिद्धमा कुपर पनि पिताको अन्तिम दर्शनका लागि दिल्लीबाट मुम्बई जाँदैछिन्। रिपोर्टका अनुसार रणबीरकी प्रेमिका आलिया भट्ट पनि कपूर परिवारसँगै उपस्थित छिन् ।

प्रख्यात अभिनेता कपूरको ६७ वर्षको उमेरमा बिहीवार बिहान ९ बजे निधन भएको हो। मङ्गलवार स्वास्थ्यमा समस्या देखिएपछि उनलाई मुम्बईस्थित एचएन रिलायन्स फाउन्डेशन अस्पतालमा भर्ना गरिएको थियो।

क्यान्सरबाट पीडित अर्का प्रख्यात अभिनेता इरफान खानको पनि बुधवार निधन भएको थियो । ऋषि कपूरलाई फेब्रुअरी महिनामा दुई पटक अस्पताल भर्ना गरिएको थियो। उनी कलाकार राज कपूरका माहिला छोरा हुन् ।

रणधीर कपूर जेठा दाइ हुन् भने ऋतु नन्दा र रिमा जैन बहिनी र राजीव कपूर भाइ हुन्। ऋषि कपूरले सन् १९७३ मा बबीनामक चलचित्रबाट आफ्नो व्यावसायिक अभिनय यात्रा आरम्भ गरेका थिए।

 


Thali Mobile Pvt.Ltd.