- ८ बैशाख २०८३, मंगलवार / Apr 21, 2026
काठमाडौं । युएईबाट एयर ईण्डियामार्फत दिल्ली हुँदै नेपाल आउन लागेका २८ नेपाली दिल्ली एयरपोर्टमा अलपत्र परेका छन् ।
कोरोना टेष्टका नाममा एयरपोर्टमा रोकिएपछि उनीहरू अलपत्र परेका हुन् । बिहान ४ बजे एयरपोर्ट आइपुगेका उनीहरु नेपाल आउन नपाएको गुनासाे गरेका छन् ।
कोरना चेक गर्ने समय लम्व्याएपछि प्लेन छुटेको उनीहरूले बताएका छन् । नेपाल अाउन ४० हजार देखि ६० हजार भारू रुपैयाँ तिरी टिकट काट्नु परेको पीडित नेपालीले जानकारी दिएका छन् ।
