यतिबेला कालोबजारी गर्नेलाई ५ वर्ष कैद

काठमाडौं । खाना पकाउने ग्यासलगायत अन्य उपभोग्य वस्तुको कालोबजारी गरेमा ५ वर्ष कैद गर्ने निर्णय सरकारले गरेको छ ।

उद्योग वाणिज्य तथा आपूर्तिमन्त्री लेखराज भट्ट र मन्त्रालयका उच्च अधिकारीको बैठकले यस्तो निर्णय गरेको हो । कोरोना भाइरस संक्रमणको त्रास फैलिरहेका बेला ग्यासको कालोबजारी भए, ग्यास उद्योगले असहयोग गरे कार्वाही संगसंगै उनीहको अनुमति खारेज गर्ने निर्णय गरेको छ ।

साल्ट ट्रेडिङ, खाद्य व्यवस्था कम्पनी, ठूला निजी खाद्य स्टोर, सबै जिल्लाको खाद्यान्न विवरण संकलन गर्ने निर्णय गरेको मन्त्रालयले जनाएको छ। खाद्यान्न अभाव भए हेलिकप्टरबाट पनि ढुवानी गर्ने, २४ सै घण्टा काम गर्न कर्मचारी तयार रहनुपर्ने लगायतका निर्णय गरेको छ ।