- २७ श्रावण २०८३, बुधबार / Aug 12, 2026
सिरहा । लागुऔषधसहित सिरहा प्रहरीले दुई जना युवकलाई पक्राउ गरेको छ । मिर्चैया नगरपालिका–४ बाट २८ वर्षीय अनिथा महरालाई नियन्त्रणमा लिएको इलाका प्रहरी कार्यालय मिर्चैयाले जनाएको छ ।
प्रहरी टोलीले महराको साथबाट १०० ग्राम गाँजा र नाइट्रोभेट १० लेखेको ट्याबलेट १५० पिस बरामद गरेको छ । आँपको बगैँचामा घुमफिर गरिरहेको अवस्थामा शङ्का लागि जाँच गर्ने क्रममा उनलाई लागुऔषधसहित पक्राउ गरिएको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक सुभाष बुढाथोकीले बताए ।
यस्तै प्रहरी चौकी ठाडी र सशस्त्र प्रहरी बल बोर्डर आउट पोष्ट ठाडीबाट खटिएको संयुक्त चेकिङ टोलीले भारतबाट नेपालतर्फ पैदल आउँदै गरेको लहान नगरपालिका–१९ निवासी २१ वर्षीय प्रेम मण्डललाई पनि पक्राउ गरेको जनाएको छ ।
लागुऔषध नाइट्रोभेट ७५ ट्याबलेटसहित उनलाई पक्राउ गरेको प्रहरीले जनाएको छ ।
