दुई वटा कानुन व्यवसायी समुहबी झडप, केही पक्राउ

काठमाडौं । दुई वटा कानुन व्यवसायीहरुको जुलुसमा झडप भएको छ भने केही पक्राउ परेका छन् ।

प्रधानन्यायाधीश चोलेन्द्र शमसेर जबरा पक्षका कानुन व्यवसायी र आन्दोलनरत कानुन व्यवसायीबीच झडप भएको हो । जवरालाई सर्वोच्च अदालत प्रवेशमा रोक लगाउन मूल गेटमा धर्ना बसेका कानुन व्यवसायी र जवरा पक्षका कानुन व्यवसायीबीच केहीबेर भनाभन समेत भएको थियो ।

धकेलाधकेल र हात हालाहाल भएपछि उनीहरुलाई प्रहरीले पक्रेर भ्यानमा राखेको थियो । अहिले सर्वोच्च अदालत प्रवेश गर्ने भित्री गेटहरु सबै बन्द भएपछि आन्दोलनरत वकिलहरु बाहिरी गेटमा बसेर धर्ना दिइरहेका छन् । १२ बजेसम्म धर्नामा बस्ने उनीहरुले बताएका छन् ।