- २९ भाद्र २०८३, सोमबार / Sep 14, 2026
२६ साउन २०७७ काठमाडौं । गोंगबु टाेखाकाे नवज्याेती मार्गमा विभत्स अवस्थामा फेला पारिएको शव दाङका कृष्णबहादुर बोहराको भएको खुलेको छ । प शवको सनाखतका लागि तस्वीर सार्वजनिक गरेको थियो । त्यसपछि शव बोहराको भएको खुलेको हो ।
नयाँ बजार क्षेत्रको एक उद्योगमा काम गर्ने गरेकाे प्रहरी बताएकाे छ । मृतकको सनाखत भएसँगै काठमाडौं प्रहरी परिसर र अपराध अनुसन्धान महाशाखाको टोली गोंगबु पुगेर अनुसन्धान थालेकाे छ । आइतबार गोंगबु चोकनजिकै सुटकेशभित्र टाउको र खुट्टाविनाको शव भेटिएको थियो । कुकुरको सहयोगमा प्रहरीले त्यसको तीन सय मिटर पर टाउको र खुट्टा भेटेको थियो ।
शव भेटियाे
हिजो गोंगबु चोकबाट गणेश मन्दिरतिर छिर्ने बाटोमा एक सय मिटर अघि सर्वसाधारणले सडकको दाहिने किनारमा रगतले लतपतिएको सुटकेश फेला पारेका थिए । तत्काल प्रहरी कन्ट्रोल १०० मा फोन गरे जानकारी गराएपछि महानगरीय अपराध अनुसन्धान महाशाखाका प्रमुख एसएसपी दीपककुमार थापालगायत अधिकृतहरु त्यहाँ पुगेका थिए ।
जघन्य अपराधको संकेत पाएलगतै फरेन्सिक विज्ञ र केन्द्रीय कुकुर तालिम केन्द्रका टोली पनि त्यहाँ पुग्यो र सुटकेशमा शव भएको पत्ता लाग्यो । सुटकेशमा टाउको र खुट्टाविनाको शव भेटियो । सुटकेशभित्र ४५ वर्षका पुरुषको भएको चिकित्सकले अनुमान गरेका थिए । टाउको नभेटिइ अनुसन्धान गाह्रो भयो ।
त्यसपछि कुकुर परिचालन गरियो । जोजो नामक ट्याकर कुकुरले सुटकेश सुँघेर तीन सय मिटर पर जेब्रा झोलामा टाउको र खुट्टा भेटायो । दुवै स्थानमा भेटिएको शवको टुक्राको अवलोकनबाट फरेन्सिक विज्ञले घटना पछिल्लो १२ घण्टाको अवधिमा भएको हुनसक्ने निष्कर्ष निकाल्यो तर पहिचान भएन । पहिचानका लागि प्रहरीले टाउको सार्वजनिक गरेकाे थियाे ।
