भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

चितवन कारागारबाट भागेका १३९ कैदी अझै फरार, ११ भारतीय नागरिकसमेत सम्पर्कविहीन

चितवन कारागारबाट भागेका १३९ कैदी अझै फरार, ११ भारतीय नागरिकसमेत सम्पर्कविहीन

चितवन, ९ कात्तिक । चितवन जिल्ला कारागारबाट भागेका कैदीबन्दीमध्ये ११ भारतीय नागरिकसहित १३९ जना अझै सम्पर्कमा आएका छैनन् । तीमध्ये दुई जना बालबालिका पनि रहेका छन् ।

गत भदौ २५ गते चितवन कारागारबाट चार नाबालकसहित ७४३ कैदीबन्दी भागेका थिए । तीमध्ये ५९१ जना कारागारमा फर्किएका छन् भने ९ जना अन्य कारागारमा पुगेका छन् । बाँकी १३९ जना भने अझै फरार रहेका कारागार प्रमुख रवीन्द्रप्रसाद ढुङ्गानाले जानकारी दिए ।

उनका अनुसार, केही कैदी पहिले सम्पर्कमा आएका भए पनि पछिल्ला दिनमा पुनः सम्पर्कविहीन भएका छन् । कारागारले सम्पर्कविहीन कैदीहरूको ठेगाना र विवरण प्रहरीका विभिन्न एकाइहरूमा पठाइसकेको छ । ढुङ्गानाका अनुसार, फरार कैदीहरूमा धेरै लागूऔषध मुद्दा, जबरजस्ती करणी र दुर्लभ एकसिङ्गे गैँडा चोरी – सिकारीमा संलग्नहरू रहेका छन् । कारागारले असोज २० गतेसम्म सम्पर्कमा आउनका लागि सूचना जारी गरेको भए पनि तोकिएको समयसम्म नआएकाहरूमाथि कारागार ऐन २०७९ र प्रचलित कानुनअनुसार कारबाही गरिने बताइएको छ ।

कारागारका अनुसार, फरार कैदीलाई लुकाउने वा आश्रय दिने व्यक्तिलाई पनि कानुनी कारबाही गरिनेछ । हालसम्म फर्किएकामध्ये ६२ जनालाई प्रहरीले पक्राउ गरी पुनः कारागारमा बुझाएको चितवन प्रहरी प्रमुख एसपी गोविन्द पुरीले बताएका छन् । उनका अनुसार, फरार कैदीहरूको खोजीका लागि सबै प्रहरी एकाइहरू सक्रिय छन् । “फरारहरू पक्राउ गर्न स्थानीयको सहयोग पनि अत्यावश्यक छ,” एसपी पुरीले भने ।

 

 


Thali Mobile Pvt.Ltd.