भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

महाराजगन्जमा प्रहरी हत्या प्रकरणमा थप ५ जना पक्राउ

महाराजगन्जमा प्रहरी हत्या प्रकरणमा थप ५ जना पक्राउ

काठमाडौँ, ९ कात्तिक । काठमाडौँको महाराजगन्जमा जेनजी आन्दोलनका क्रममा प्रहरीमाथि आक्रमण गरी असई मिलन राय र जवान उत्तम थापाको हत्या गर्ने घटनामा संलग्न पाँच जना थप व्यक्तिलाई प्रहरीले पक्राउ गरेको छ ।

पक्राउ पर्नेमा गोरखा घर भएका २१ वर्षीय सोम गुरुङ, तनहुँका राजीव गुरुङ र युनिक श्रेष्ठ, सर्लाहीका १७ वर्षीय सुमित तितुङ र रामेछापका १६ वर्षीय दीपक मगर रहेका छन् । ती सबैलाई काठमाडौँ प्रहरी परिसर भद्रकालीमा राखी अनुसन्धान भइरहेको प्रहरीले जनाएको छ ।

प्रहरीका अनुसार, उनीहरूले प्रहरी वृत्त महाराजगन्जमा कार्यरत असई राय र जवान थापामाथि कुटपिट गरी हत्या गरेको प्रारम्भिक अनुसन्धानबाट खुलेको छ । यसअघि नै घटनामा संलग्न ४ जना – युवराज क्याप्छाकी, सोनाम तामाङ (बुद्धिलाल थिङ), होमप्रसाद पौडेल र टिकाराम बिकलाई अदालतको आदेशपछि पुर्पक्षका लागि कारागार चलान गरिएको थियो ।

काभ्रेका क्याप्छाकी र मकवानपुरका थिङले जवान थापालाई, जबकि सिन्धुपाल्चोकका पौडेल र उदयपुरका विकले असई रायलाई कुटपिट गरी हत्या गरेको प्रहरी अनुसन्धानले निष्कर्ष निकालेको छ । काठमाडौँ प्रहरी परिसरका एसपी पवन भट्टराईका अनुसार, पछिल्ला पाँच पक्राउ परेकामाथि पनि विस्तृत अनुसन्धान भइरहेको छ र पूरक प्रतिवेदन अदालतमा पेश गरिनेछ ।

भदौ २४ गते भएको उक्त घटनामा उद्दण्ड समूहले प्रहरी वृत्त महाराजगन्जमा आगजनीसमेत गरेको थियो । सो क्रममा दुई प्रहरीको मृत्यु र कार्यालयमा ठूलो क्षति पुगेको थियो ।

 

 


Thali Mobile Pvt.Ltd.