- ५ आश्विन २०८३, सोमबार / Sep 21, 2026
काठमाडौं । तराई भूभागमा दुई दिनसम्म उच्च तापक्रम रहने भएको छ। सुदूरपश्चिम र लुम्बिनी प्रदेशका विभिन्न स्थानमा तातो हावा चल्ने भएको हो । सुदूरपश्चिम र लुम्बिनी प्रदेशमा केही दिनदेखि अधिकतम तापक्रम ४० डिग्री सेल्सियस भन्दामाथि मापन गरिएको छ।
तातो हावाको लहरबाट थकाइ लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, चक्कर आउने र बान्ता आउने आदि हुनसक्ने भन्दै बच्न महाशाखाले सुझाव दिएको छ।
शुक्रवारसम्म उच्च तापक्रमसहित तातो हावा चल्ने भएकाले सावधानी अपनाउन मौसम पूर्वानुमान महाशाखाले आग्रह समेत गरेको छ।
काठमाडौंका केही स्थानमा हल्का वर्षाको सम्भावना रहेको महाशाखाले जनाएको छ ।
काठमाडौंमा ३१ डिग्री सेल्सियससम्म तापक्रम पुग्नसक्ने अनुमान गरिएको छ। कोशी, बागमती र गण्डकी प्रदेशका पहाडी भूभागका एकदुई स्थानमा मेघगर्जन,चट्याङसहित हल्का वर्षाको सम्भावना छ। राति पनि यी स्थानमा मेघगर्जन, चट्याङ सहित हल्का वर्षाको सम्भावना रहेको महाशाखाले जनाएको छ।
