आवश्यकता र प्राविधिक विश्लेषणबिना खरिद गरिएका सामग्री प्रयोग विहीन

काठमाडौं । १५ करोड रुपैयाँ बराबरको निर्वाचन सामग्री प्रयोगविहीन भएको छ। आवश्यकता र प्राविधिक विश्लेषणबिना खरिद गरिएका उक्त सामग्रीहरु प्रयोग विहिन भएका हुन ।

मतपत्र छाप्ने कागज खरिद गर्दा आयोगमा १२ करोड ४३ लाख रुपैयाँ बराबरको कागज प्रयोगविहीन अवस्थामा रहेको जनाइएको छ।
स्थानीय तह सदस्य निर्वाचनमा मतपत्र छाप्न खरिद गरिएको कागजमध्ये ३२७.५२ मेट्रिक टन मौज्दात रहँदारहँदै प्रतिनिधिसभा तथा प्रदेश सभा सदस्य निर्वाचनमा ८४८.७५६ मेट्रिक टन कागज खरिद गरिएको थियो ।

निर्वाचनपूर्व नमुना मतपत्र छाप्न खरिद गरिएको एक करोड ३३ लाख ३३ हजार रुपैयाँ बराबरको मसी पनि प्रयोग नभएको प्रतिवेदनमा उल्लेख छ।