- ३१ असार २०८३, बुधबार / Jul 15, 2026
काठमाडौं । रुकुमपश्चिममा महिलाको मृत्यु भएको छ। निर्माणाधीन सडकको ढुंगाले लागेर महिलाको मृत्यु भएको हो । मृत्यु हुनेमा सानीभेरी गाउँपालिका–१० की ५२ वर्षीया नौली विक रहेको प्रहरीले जनाएको छ ।
घरबाट फर्किने क्रममा घर नजिकै पुगेका वेला माथिबाट आएको ढुंगा लागेर घटनास्थलमै विकको ज्यान गएको हो । शुक्रबार साँझ चौरजहारी नगरपालिका–१३ स्थित आफन्तको घरबाट फर्किने क्रममा ढुङ्गाले लागेर उनको मृत्यु भएको हो ।
यसअघि पनि सडक निर्माणको क्रममा एक बालकको मृत्यु भएको थियो। घटनाबारे अनुसन्धान शुरु गरेको प्रहरीले जनाएको छ।
घडेरी–घण्ठाना–तिमीले–चिन्तु कृषि सडक स्तरोन्नतिका लागि उक्त स्थानमा डोजरले बाटो खनिरहेको छ। करिब १५० मिटर तलको बाटोमा हिँडिरहेको वेला निर्माणाधीन सडकबाट आएको ढुंगा लागेर उनको मृत्यु भएको हो।
