हँसिया र ढुङ्गा प्रहार गरी पतिको हत्या आरोपमा श्रीमती पक्राउ

काठमाडौं । सुनछहरी गाउँपालिका–६ फगाम झिरवाङकी ४१ वर्षीया मीना पुनले ४५ वर्षीय पति काले पुनको हँसिया र ढुङ्गा प्रहार गरी हत्या गरेकी छिन् ।
प्रहरीले मानसिक सन्तुलन ठीक नभएकी मीनाले पति काले गोठमा सुतिरहेको अवस्थामा एक्कासि हँसिया र ढुङ्गा प्रहार गरेर हत्या गरेको बताएको छ । हँसिया र ढुङ्गा प्रहार गरेर हत्या गरेको खबर पाएलगत्तै इलाका प्रहरी कार्यालय जेल्वाङको प्रहरी टोली घटनास्थल पुगी अभियुक्त मीनालाई नियन्त्रणमा लिएको थियो ।
जिल्ला प्रहरी कार्यालय जेल्वाङका सूचना अधिकारी कृष्ण रानाले अभियुक्तलाई इलाका प्रहरी कार्यालय सुलिचौरको हिरासतमा राखिएको र हत्यामा मीनालाई जिल्ला अदालतमा म्याद थप गरी अनुसन्धान कार्य भइरहेको जानकारी दिए ।