- २० श्रावण २०८३, बुधबार / Aug 5, 2026
भक्तपुर, १ बैशाख । नयाँ वर्ष २०८२ को सुरुवातसँगै भक्तपुरको सल्लाघारीमा नवौं ‘भक्तपुर औद्योगिक, सांस्कृतिक, पर्यटन, कृषि तथा व्यापार महोत्सव–२०८१/८२’ भव्य रूपमा सुरु भएको छ। भक्तपुरलाई ‘उद्योग, संस्कृति र कृषि’ को संगमका रूपमा चिनाउने उद्देश्यका साथ औद्योगिक शान्ति नेपाल संस्था र मध्यपुर ब्वाइज ब्याण्डले यो महोत्सवको आयोजना गरेका हुन्।
महोत्सवको नयाँ वर्षको दिन चर्चित कलाकारहरू कुलेन्द्र विश्वकर्मा, विश्व केसी, गणेश केसी, विश्व नेपाली, सम्राट चौलागाइ, तारा थापा, जी दादा, डिएनभी र्याप, र द रोयल ब्याण्डले सांगीतिक प्रस्तुति दिने छन्। साथै, खुल्ला नृत्य र स्थानीय कलाकारहरूको विशेष प्रस्तुतिले कार्यक्रमलाई थप रोचक बनाउने छ।
महोत्सवमा राखिएका विभिन्न सामग्रीहरूमा २० देखि ५० प्रतिशतसम्मको आकर्षक छुट प्रदान गरिएको छ। प्रवेशका लागि टिकट शुल्क रु. ८० र रु. ५० तोकिएको छ।
