२०८२ सालमा ८८ दिन सार्वजनिक बिदा हुने

काठमाडौं । २०८२ सालमा ५२ वटा शनिबार र थप ३६ दिन देशभर चाडपर्व तथा दिवसका बिदा हुने छन्। २०८२ सालमा ८८ दिन सार्वजनिक बिदा हुनेछ।

स्थानीय तहले स्थान विशेष मनाइने चाडपर्वको बिदा दिन पाउनेछन्। साथै विदेशस्थित नेपाली नियोगले सम्बन्धित मुलुकका सार्वजनिक बिदालाई समेत दृष्टिगत गरी बढीमा १८ दिनसम्म सार्वजनिक बिदा आफैँले दिन सक्ने छन्।

बडादशैँमा सात दिन र तिहारमा पाँच दिन समेत गरी पर्व बिदा २८ दिन हुनेछ। अन्तर्राष्ट्रिय मजदुर दिवस, गणतन्त्र दिवस, संविधान दिवस, शहीद दिवस, प्रजातन्त्र दिवस र अन्तर्राष्ट्रिय महिला दिवस गरी ६ दिन देशभर सार्वजनिक बिदा हुनेछ। दुई दिन जन्मजयन्तीको बिदा हुनेछ।