- ९ असार २०८३, मंगलवार / Jun 23, 2026
काठमाडौँ, ९ असार । भक्तपुरको भक्तपुर नगरपालिका १ मा सामान्य विवादका क्रममा भएको झैझगडा हिंसात्मक बन्दा एक युवकको मृत्यु भएको छ।
महोत्तरीको मिथिला नगरपालिका–९ स्थायी घर भई हाल नगरकोट मोडमा बस्दै आएका २८ वर्षीय आकाश रसाइलीमाथि धारिलो हतियार प्रहार भएको प्रहरीले जनाएको छ।
गम्भीर घाइते भएका रसाइलीलाई उपचारका लागि केएमसी अस्पताल लगिएको थियो। उपचारकै क्रममा मंगलबार बिहान उनको मृत्यु भएको भक्तपुर प्रहरीले जानकारी दिएको छ।
घटनामा संलग्न रहेको आरोपमा उदयपुर घर भई हाल भक्तपुरको सल्लाघारी बस्ने आयुष कार्की, झापा घर भई सल्लाघारी बस्ने दोर्जे शेर्पा र गुल्मी घर भई सल्लाघारी बस्ने रमेश कुँवरलाई प्रहरीले पक्राउ गरेको छ।
प्रहरीले घटनाको कारण र संलग्नताको विषयमा थप अनुसन्धान भइरहेको जनाएको छ।
