भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

विष्णु पौडेल पक्राउ प्रकरणमा एमालेको राजनीतिक प्रतिवाद गर्ने घोषणा

विष्णु पौडेल पक्राउ प्रकरणमा एमालेको राजनीतिक प्रतिवाद गर्ने घोषणा

काठमाडौँ, ९ असार । नेकपा एमालेले पार्टीका उपाध्यक्ष एवं पूर्वअर्थमन्त्री विष्णु पौडेल पक्राउ परेको विषयमा राजनीतिक प्रतिवाद गर्ने घोषणा गरेको छ।

सम्पत्ति शुद्धीकरण अनुसन्धानको सिलसिलामा विष्णु पौडेललाई सोमबार साँझ सुर्खेतबाट पक्राउ गरिएको जनाइएको छ। पक्राउ लगत्तै एमालेले विज्ञप्ति जारी गर्दै घटनाको विरोध गरेको हो।

पार्टी अध्यक्ष तथा पूर्वप्रधानमन्त्री केपी शर्मा ओलीद्वारा हस्ताक्षरित विज्ञप्तिमा पौडेलको गिरफ्तारीलाई गैरकानुनी, बदनियतपूर्ण र राजनीतिक प्रतिशोधबाट प्रेरित कदमको रूपमा चित्रण गरिएको छ।

एमालेले यसलाई सस्तो लोकप्रियता हासिल गर्ने प्रयास र ‘स्टण्ट’ भएको समेत आरोप लगाएको छ।विज्ञप्तिमा वर्तमान सरकार सर्वसत्तावाद र अधिनायकवादतर्फ उन्मुख भएको दाबी गर्दै विपक्षी दलका नेतामाथि लक्षित प्रतिशोधपूर्ण गतिविधि तत्काल रोक्न चेतावनी दिइएको छ।

त्यस्तै, एमाले महासचिव शङ्कर पोखरेलले पनि विष्णु पौडेलको पक्राउ न्यायिक प्रक्रियाको मर्मविपरीत भएको दाबी गरेका छन्।

 


Thali Mobile Pvt.Ltd.