- १ जेष्ठ २०८३, शुक्रबार / May 15, 2026
काठमाडौं । सरकारले आगामी आर्थिक वर्षमा १६ लाख विदेशी पर्यटक देशमा भित्र्याउने लक्ष्य लिएको छ।
आगामी आवको बजेट प्रस्तुत गर्दै अर्थमन्त्री वर्षमान पुनले आगामी आवमा १६ लाख पर्यटक भित्र्याउने लक्ष्य सरकारले लिएको बताएका हुन्। अघिल्लो आर्थिक वर्ष १० लाख पर्यटक नेपाल आएका थिए ।
साथै सरकारले आउँदो आर्थिक वर्षमा प्रदेश र पालिकामा राजस्व बाँडफाँट र अनुदान गरी ५ खर्ब ६७ अर्ब रुपैयाँ हस्तान्तरण गर्ने भएको छ । यस्तै ससर्त अनुदानतर्फ प्रदेशका लागि २५ अर्ब ८४ करोड र पालिकाका लागि २ खर्ब ८ अर्ब ८८ करोड गरी जम्मा गरी २ खर्ब ३४ अर्ब ७३ करोड रुपैयाँ विनियोजन भएको छ ।
यसैगरी विशेष अनुदानतर्फ प्रदेशलाई ४ अर्ब ४० करोड र पालिकालाई ८ अर्ब ५० करोड रुपैयाँ विनियोजन भएको छ । यस्तै पूर्वाधारका आयोजना कार्यान्वयन गर्न प्रदेशलाई ६ अर्ब २० करोड र पालिकालाई ७ अर्ब रुपैयाँ विनियोजन भएको छ ।
राजस्व बाँडफाँटबाट मात्रै १ खर्ब ५९ अर्ब रुपैयाँ हस्तान्तरण हुने बजेट भाषणमा उल्लेख छ ।
