- १ भाद्र २०८३, सोमबार / Aug 17, 2026
स्वयम्भूबाट स्रोत नखुलेको रु. ६९ लाख ८५ हजार बरामद।
पक्राउ परेकाहरू: च्याओ याङ (चिनियाँ) र रोजिना सुनार (नेपाली)।
भाडामा लिएको कोठाबाट सुनका गहना पनि बरामद।
आवश्यक थप अनुसन्धान जारी।
काठमाडौँ, ८ कार्तिक । प्रहरीले काठमाडौँ महानगरपालिका स्वयम्भूबाट स्रोत नखुलेको रु. ६९ लाख ८५ हजारसहित एकजना नेपाली र एकजना चिनियाँ नागरिकलाई पक्राउ गरेको छ।
काठमाडौँ उपत्यका प्रहरी कार्यालय रानीपोखरीका प्रमुख तथा प्रहरी अतिरिक्त महानिरीक्षक दानबहादुर कार्कीका अनुसार, पक्राउ पर्नेहरूमा ३८ वर्षीय चिनियाँ नागरिक च्याओ याङ र धादिङको नीलकण्ठ नगरपालिकाकी २२ वर्षीया रोजिना सुनार रहेका छन्।
उनीहरूलाई बिहीबार पक्राउ गरी शुक्रबार सार्वजनिक गरिएको हो। अतिरिक्त महानिरीक्षक कार्कीले बताए, “स्रोत नखुलेको रकमसहित एकजना चिनियाँ र एकजना नेपाली गरी दुईजनालाई पक्राउ गरिएको छ। उनीहरूको विषयमा आवश्यक थप अनुसन्धान भइरहेको छ।”
पक्राउ परेकाहरूको भाडामा लिएको कोठाबाट प्रहरीले सुनका गहनासमेत बरामद गरेको जानकारी दिइएको छ।
