- ३१ असार २०८३, बुधबार / Jul 15, 2026
एजेन्सी । औसत २६ दिन अतिरिक्त अत्यधिक गर्मीको अनुभव गरेको छ । विश्वले पछिल्लो १२ महिनामा संसारका सबै ठाउँमा चरम गर्मीको २६ दिन थप बढाएको प्रतिवेदनको निष्कर्ष छ ।
प्रतिवेदनमा गएको वर्ष चरम गर्मीको लहरले मेक्सिकोदेखि पाकिस्तानसम्म विश्वको धेरै भागलाई प्रभावित पार्यो । पछिल्लो १२ महिनामा झण्डै छ अर्ब ३० करोड मानिस अर्थात् ९विश्व जनसङ्ख्याको झन्डै ८० प्रतिशत० ले कम्तिमा ३१ दिन चरम गर्मीको अनुभव गरेका प्रतिवेदनमा उल्लेख छ ।
प्रतिवेदन रेडक्रस रेड क्रिसेन्ट क्लाइमेट सेन्टर, वर्ल्ड वेदर एट्रिब्युसन साइन्टिफिक नेटवर्क र गैरनाफामुखी अनुसन्धान संस्था क्लाइमेट सेन्ट्रलले प्रकाशित गरेका हुन् । युरोपेली सङ्घ (इयु) को जलवायु अनुगमन, कोपर्निकसकाअनुसार सन् २०२३ रेकर्डमा सबैभन्दा तातो वर्ष थियो ।
अत्यधिक गर्मीकै कारण दशौँ हजार मानिसले ज्यान समेत गुमाएका छन् । समग्रमा अन्टार्टीका बाहेक हरेक महादेशका ९० विभिन्न देशमा ७६ वटा चरम गर्मीको लहर दर्ता भएका थिए । सबैभन्दा बढी प्रभावित पाँच देश ल्याटिन अमेरिकामा थिए ।
