- १२ बैशाख २०८३, शनिबार / Apr 25, 2026
काठमाडौं, १३ असाेज । बडा दसैं २०८२ काे अवसरमा शुभकामना सन्देश जारी गर्दै राष्ट्रपति रामचन्द्र पौडेलले तोकिएको मितिमा प्रतिनिधि सभाको निर्वाचन सम्पन्न गर्न सबैलाई संयमित भई सहकार्य गर्न आग्रह गरेका छन् ।
उनले आगामी फागुन २१ गतेका लागि तय भएको निर्वाचनलाई मुलुकको राजनीतिक निरन्तरता, जनप्रतिनिधि मूलक संसद् र स्थिर सरकारको आधारका रूपमा व्याख्या गर्दै सबैपक्षीय सहयोग अपरिहार्य रहेको बताए । राष्ट्रपतिले हाल मुलुकमा देखिएका असाधारण परिस्थिति, मानवीय क्षति तथा सरकारी, संस्थागत र निजी क्षेत्रमा भएको क्षतिलाई उचित व्यवस्थापन गर्न आवश्यक पर्ने उल्लेख गर्दै निर्वाचनमार्फत मुलुकलाई स्थायित्व र सुशासनतर्फ डोर्याउन सकिने विश्वास व्यक्त गरे ।
“दुर्गा भवानीले शक्ति प्रदान गरून् भन्ने प्रार्थना गर्दै मुलुकमा सुख, शान्ति, स्थायित्व, सुशासन र समृद्धिको कामना गर्दछु,” शुभकामना सन्देशमा भनिएको छ ।
