भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

एआईबारे नीतिगत ढिलाइले युरोप जोखिममा, लगार्डको चेतावनी “अब ढिला गर्न मिल्दैन”

एआईबारे नीतिगत ढिलाइले युरोप जोखिममा, लगार्डको चेतावनी “अब ढिला गर्न मिल्दैन”

काठमाडौं । युरोपेली केन्द्रीय बैंक (ECB) की प्रमुख क्रिस्टिन लगार्डले कृत्रिम बौद्धिकता (एआई) अपनाउन युरोपमा देखिएको नीतिगत ढिलाइले महाद्वीपको भविष्य नै ‘खतरामा’ पर्न सक्ने चेतावनी दिएकी छन् । ब्राटिस्लाभा सम्मेलनमा बोल्दै उनले एआईलाई अँगाल्न बाधा पुर्‍याइरहेका सबै अवरोध तत्काल हटाउनुपर्ने आवश्यकता औंल्याइन् ।

लगार्डका अनुसार, “हामीलाई यो परिवर्तनलाई अँगाल्न रोक्ने सबै अवरोध हटाउन अब ढिलो गर्नु हुँदैन । एआई अपनाउने लहरपछि मात्र प्रतिक्रिया जनाउने हो भने युरोपको भविष्य जोखिममा पर्न सक्छ ।” एआई प्रविधि समर्थकले पनि युरोप संयुक्त राज्य अमेरिका र चीनभन्दा पछाडि पर्नुको कारण अत्यधिक नियमन, नयाँ आविष्कारमा कमी तथा कम लगानी रहेको बताउँदै आएका छन् । लगार्ड स्वयं पनि भन्छिन्, “युरोपले पहिले नै एआईमा पहिलो मूभर हुने अवसर गुमाइसकेको छ ।”

तर उनले अझै पनि अवसर बाँकी रहेको उल्लेख गर्दै भनिन्, “यदि युरोपले आफ्ना प्रमुख उद्योगमा प्रविधि निर्णायक रूपमा लागू गर्न सके ढिलो सुरुवातलाई नै प्रतिस्पर्धात्मक फाइदामा बदल्न सक्छ ।” लगार्डले खण्डित नियम, ऊर्जाको उच्च लागत, तथा एआई मोडेलहरू सञ्चालन गर्न आवश्यक विशाल डाटा सेन्टर चलाउन पर्ने महँगो खर्चजस्ता अवरोधहरूको उल्लेख गर्दै चेतावनी दिइन् “थप ढिलाइको परिणाम ‘एआई मोडेलको दौड हार्ने’ भन्दा धेरै गम्भीर हुनेछ ।”

उनका अनुसार यदि कार्यान्वयनमा ढिलाइ जारी रह्यो भने युरोपले धेरै क्षेत्र र उद्योगमा प्रतिस्पर्धात्मक घाटा झनै बढाउँदै लैजानेछ ।
(रासस/एएफपी)

 


Thali Mobile Pvt.Ltd.