- ३१ आश्विन २०८३, शनिबार / Oct 17, 2026
काठमाडौं । मध्यराती गृहमन्त्री रवि लामिछानेले प्रहरी वृतमा अनुगमन गरेका छन् । शुक्रबार राति बौद्ध, गौशाला र महाराजगञ्ज प्रहरी वृत्तको उनले अनुगमन गरेका हुनु ।
अनुगमनका क्रममा गृहमन्त्री लामिछानेले नागरिकका गुनासा तत्काल सुन्न र कामकारबाही प्रभावकारी बनाउन नेपाल प्रहरीलाई निर्देशन दिएका हुन । गृहमन्त्री लामिछानेले पीडितमैत्री व्यवहार गर्न र जिम्मेवारी निर्वाहमा गम्भीर हुन समेत निर्देशन दिएका छन् ।
नयाँ बसपार्क क्षेत्रको विशेष सुरक्षा योजना पाँच दिनभित्र पेश गर्न महाराजगञ्ज वृत्त प्रमुखलाई निर्देशन दिएको जनाइएको छ ।
प्रहरीको काम कारवाही थप प्रभावकारी बनाउन गर्नुपर्ने सुधारका लागि सुझाव दिन, प्रहरी सङ्गठनलाई अझ नागरिकमैत्री, व्यावसायिक, स्रोत–साधनयुक्त र चुस्त–दुरुस्त बनाउन गर्नुपर्ने कामको योजना बनाउन सुझाव लिनका लागि गृहमन्त्री लामिछानेले तल्लो तहका प्रहरी युनिटको अनुगमन थालेको बताइएको छ ।
प्रहरी कार्यालयको कार्य प्रणाली, जनशक्ति, कागजपत्रको व्यवस्थापन, प्रविधिको प्रयोग र समस्याबारे वृत्त प्रमुखसँग जानकारी लिदै उजुरी÷जाहेरीका प्रकृति र दैनिक आउने सङ्ख्या, अनुसन्धानका कठिनाइ, वृत्तमार्फत जाने मुद्दा तथा थुनुवा कक्षको क्षमता र हाल रहेको सङ्ख्याबारे गृहमन्त्री लामिछानेले जानकारी लिएको स्रातले जनाएको छ ।
