- २२ भाद्र २०८३, सोमबार / Sep 7, 2026
काठमाडौँ । जनेजी मुभमेन्ट नेपालले प्रधानमन्त्री सुशीला कार्की नेतृत्वको सरकारलाई भ्रष्टाचार, पक्षपात र कुशासनमा फसेको आरोप लगाउँदै तत्काल राजीनामा दिन माग गरेको छ । सोमबार जारी विज्ञप्तिमा मुभमेन्टले सरकारका प्रमुख मन्त्रीहरू र संवैधानिक पदाधिकारीहरूमाथि गम्भीर आरोप लगाउँदै सरकारले जनविश्वास गुमाएको दाबी गरेको हो ।
विज्ञप्तिअनुसार उर्जामन्त्री कुलमान घिसिङले ४३ करोड नोक्सानी पुर्याएको, अर्थमन्त्री रामेश्वर खनालले डोल्मालाई गैरकानुनी कर छुट दिएको र महान्यायाधिवक्ता सविता बराल भण्डारी किशोरीहरूको डिम्ब विक्री प्रकरणमा मुछिएको आरोप लगाइएको छ । यस्तै, प्रधानमन्त्री सुशीला कार्कीका स्वकीय सचिवले आफन्तलाई नियुक्ति दिएको तथा गृहमन्त्री ओमप्रकाश अर्यालले सशस्त्र प्रहरीले दरबन्दी बढाएर काकालाई डीआइजी बनाएको दाबी गरिएको छ ।
जनेजी मुभमेन्टले सहिद तथा घाइतेहरूको बलिदानमाथि सरकार गम्भीर अपमानमा लागेको आरोप लगाउँदै सुशीला कार्कीलाई तत्काल राजीनामा दिन तथा देशवासीलाई सरकारलाई सार्वजनिक रूपमा बहिस्कार गर्न आह्वान गरेको छ ।
