- २६ जेष्ठ २०८३, मंगलवार / Jun 9, 2026
काठमाडौं । सिंहदरबार वा संघीय संसद् भवन भत्काएर देखाउन स्वतन्त्र सांसद अमरेशकुमार सिंहले काठमाडौं महानगरपालिकाका प्रमुख बालेन्द्र साहलाई चुनौती दिएका छन्।
प्रमुख साहले कवाडी व्यवसायीमाथि दमन गरिरहेको भन्दै सोमबार प्रतिनिधि सभाको बैठकमा उक्त चुनौती दिएका हुन । सोमबार प्रतिनिधि सभाको बैठकमा बोल्दै उनले यस्तो चुनौती दिएका हुन्।
उनले प्रमुख बालेनलाई संसद भवनसँगै सिंहदरबार, सर्वोच्च अदालत, शिलतनिवास र बालुवाटर भत्काएर देखाउन चुनौती दिएका छन् । उनले मेयर साह नागरिलाई एकठाउँबाट अर्को ठाउँमा गएर बस्न पाउने संवैधानिक हकको विरुद्धमा लागेको तर्क गरे ।
उनले भने, ‘बालेनलाई म चुनौती दिन चाहन्छु, हिम्मत छ भने संसद भवन भत्काएर देखाऊ, सिंहदरबार भत्काएर देखाऊ, रामशाह पथको सर्वोच्च अदालत भत्काएर देखाऊ ।
हिम्मत छ भने बालुवाटार र राष्ट्रपतिनिवास शीतलनिवास भत्काएर देखाऊ। यो नाजीवादको शैली काठमाडौंको मेयरको चल्दैन। उनले प्रमुख साहलाई तानाशाहको संज्ञा समेत दिए ।
