झापामा चट्याङ लागेर महिलाको मृत्यु

झापा, १५ असाेज । झापाको बिर्तामोड नगरपालिका–३ मा चट्याङ लागेर एक महिलाको मृत्यु भएको छ। जिल्ला प्रहरी कार्यालय झापाका प्रहरी नायब उपरीक्षक खगेन्द्रबहादुर खड्काका अनुसार मृतक ३५ वर्षीया दिलकुमारी ऋषिदेव मुसहर बस्तीकी बासिन्दा हुन्।

बुधबार बिहान करिब ११ बजे वर्षासँगै परेको चट्याङले खेतमा बाख्रा लिन गएकी ऋषिदेवलाई लागेको थियो।

चट्याङ लागेर घाइते भएकी उनलाई उपचारका लागि बिर्तासिटी अस्पताल लैजाँदै गर्दा बाटोमै मृत्यु भएको प्रहरीको भनाइ छ।