क्वारेन्टाइन व्यवस्थापनमा जुटेका एक वडा अध्यक्षको मृत्यु

१४ जेठ२०७७, कैलाली । सुदुरपश्चिम प्रदेशको कञ्चनपुरमा क्वारेन्टाइन व्यवस्थापनमा जुटेका एक वडा अध्यक्षको मृत्यु भएको छ । कन्चनपुरको कृष्णपुर नगरपालिका वडा नम्वर ७ का अध्यक्ष कल्लु रानाको मंगलबार राति मृत्यु भएको जिल्ला प्रहरी कार्यालय कञ्चनपुरले जानकारी दिएको छ ।

सोहि वडामा रहेको राष्ट्रिय माविमा क्वारेन्टाइन व्यवस्थापनमा जुटेका वडा अध्यक्ष एक्कासी बेहोस भए पछि सेती प्रादेशिक अस्पतालमा उपचार गर्न लैजाने क्रममा उनको मृत्यु भएको हो ।
उनी ५८ वर्षका थिए ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक रविन्द्र पौडेलले गएराति करिब १२ बजे उनको ज्यान गएको र शव सेती प्रादेशिक अस्पतालमा राखिएको जानकारी दिए ।

अस्पताका मेसु हेमराज पाण्डेयले उनमा कोरोना संक्रमण थियो कि थिएन भनेर परीक्षण गर्ने जानकारी दिए ।