- १९ श्रावण २०८३, मंगलवार / Aug 4, 2026
काठमाडौँ, २७ चैत । कोशी प्रदेश सरकारले आयोजना गरेको पर्यटन वर्ष २०८२ को उद्घाटन आज बुधबार हुँदैछ। प्रदेशको विकास र पर्यटन प्रवर्द्वनका लागि एक वर्षसम्म मनाइने यो कार्यक्रम तीनजुरे मिल्के क्षेत्रबाट सुरु गरिँदैछ ।
प्रधानमन्त्री केपी शर्मा ओलीले उद्घाटन गर्ने भनिए पनि अन्तिम समयमा उनी नजाने भएपछि उपप्रधानमन्त्री प्रकाशमान सिंहले पर्यटन वर्षको शुभारम्भ गर्नेछन् । पर्यटन वर्षका लागि कोशी प्रदेशका मुख्यमन्त्री हिक्मतकुमार कार्कीको संयोजकत्वमा मूल आयोजक समिति गठन गरिएको छ।
कोशी प्रदेश सरकारले भारतबाट आउने पर्यटकका लागि सहजता प्रदान गर्न नाकाहरूमा पर्यटकीय बस र सवारी साधनमा स्टिकर लगाउने तयारी गरेको छ। स्टिकर लगाइएका सवारी साधनमा आगमन र प्रस्थानको मिति उल्लेख गरिनेछ, जसले गर्दा बाटोमा जाँच गर्नुपर्ने झन्झट नहुने बताइएको छ।
