- २९ भाद्र २०८३, सोमबार / Sep 14, 2026
काठमाडौं, १५ माघ । बाक्लो हुस्सु तथा कुहिरोका कारण आज बिहान काठमाडौँसहित देशका विभिन्न विमानस्थलमा प्रभावित भएका आन्तरिक उडानहरू अहिले सुचारू भएका छन् ।
त्रिभुवन अन्तर्राष्ट्रिय विमानस्थलका महाप्रबन्धक टेकनाथ सिटौलाका अनुसार काठमाडौँ, विराटनगर, राजविराज, नेपालगञ्ज, धनगढी, सुर्खेत र तुम्लिङटार विमानस्थलमा बिहान उडान सुरु हुन सकेको थिएन । तर दिउँसोबाट मौसममा सुधार आएपछि भरतपुर, तुम्लिङटार र नेपालगञ्जबाहेक अन्य विमानस्थलमा उडान तथा अवतरण पुनः सुरु भएको हो ।
उनले मौसम क्रमशः सुधार हुँदै गएकाले बाँकी विमानस्थलहरूमा पनि अवस्था अनुकूल भएपछि उडान सुचारू हुने जानकारी दिए । कुहिरोका कारण उडान प्रभावित हुँदा यात्रुहरूलाई असुविधा भएको थियो ।
