- २५ भाद्र २०८३, बिहीबार / Sep 10, 2026
काठमाडौं, २५ असार । लोकप्रिय देउडा शैलीमा आधारित नयाँ गीत “लाली पाउडर लाया जसी” सार्वजनिक भएको छ। गायक रोशन टमट्टा र गायिका संगीत बडुवालको आवाजमा सजिएको गीतले सुदूरपश्चिमको सांस्कृतिक लय र जीवनशैली झल्काउने भाव बोकेको छ।
गीतमा शब्द तथा संगीत स्वयं संगीत बडुवालले तयार गरेकी हुन् भने दीपक संगम बीसीले एरेन्ज, मिक्स र मास्टरिङ गरेका छन्। गीत मधुमाला स्टुडियोमा रेकर्ड गरिएको हो।
गीतको भिडियो पक्ष पनि उत्तिकै आकर्षक बनाइएको छ। भिडियोमा कलाकारहरू दीपक संगम बीसी, मिराज विक्रम सिंह, संगीता बडुवाल, हेमराज अधिकारी (खन्ट्या खलास), गणेश जीसी, र मीना बडुवालको अभिनय रहेको छ।
भिडियोको निर्देशन तथा नृत्य निर्देशन मिराज विक्रम सिंहले गरेका छन् भने छायांकन र रङ संयोजन अमित बीकेले गरेका छन्। सम्पादन राजेश बोहराको रहेको छ।
शैली, लय र प्रस्तुति सबै दृष्टिकोणले उत्कृष्ट बनेको “लाली पाउडर ” गीतले विशेषगरी देउडा गीत रुचाउने दर्शक–स्रोतामाझ लोकप्रियता कमाउने अपेक्षा गरिएको छ। गीत अहिले युट्युबसहित विभिन्न डिजिटल प्लेटफर्ममार्फत सार्वजनिक गरिएको छ।
