माङमायामा रुखबाट लडेर एक पुरुषको मृत्यु

संखुवासभा, १२ कार्तिक । संखुवासभाको चिचिला गाउँपालिका–५ माङमायामा रुखबाट लडेर एक पुरुषको मृत्यु भएको छ। जिल्ला प्रहरी कार्यालय संखुवासभाका अनुसार माङमायाका ५२ वर्षीय गणेश गुरुङ मंगलबार साँझ घर नजिकैको जंगलमा रुखमा चढी घाँस काट्ने क्रममा लडेका थिए।

लडेपछि गम्भीर घाइते भएका गुरुङलाई स्थानीयवासीले तत्काल उद्धार गरी उपचारका लागि जिल्ला अस्पताल खाँदबारी पुर्‍याएका थिए। तर, उपचारका क्रममा राति करिब १२ बजे चिकित्सकले मृत घोषणा गरेका थिए।

प्रहरीका अनुसार घटनाबारे थप अनुसन्धान भइरहेको छ। स्थानीयहरूले यस्तो दु:खद घटना पुनः नदोहोऱ्याउन गाउँमा रुखमा घाँस काट्ने कार्यमा सुरक्षाको ध्यान दिनुपर्ने आवश्यकता औंल्याएका छन्।