देशभर मौसम सामान्यतया सफा

काठमाडौँ, ३ मंसिर। देशभर आज मौसम सामान्यतया सफा रहेको जल तथा मौसम पूर्वानुमान महाशाखाले जनाएको छ। हाल कुनै उल्लेखनीय मौसमी प्रणाली सक्रिय नदेखिएकाेले अधिकांश भू–भागमा खुला मौसम अनुभव भइरहेको महाशाखाले बताएको हो।

दिउँसो कोशी, वागमती, गण्डकी र कर्णाली प्रदेशका पहाडी भागमा आंशिक बदली रहनेछ भने बाँकी क्षेत्रमा मौसम सफा रहने अनुमान गरिएको छ।

विशेषगरी कोशी प्रदेशका हिमाली भू–भागका एक–दुई स्थानमा हल्का वर्षा र हिमपातको सम्भावना रहेको महाशाखाले जनाएको छ।काठमाडौं उपत्यकामा आज बिहान पौने ६ बजे न्यूनतम तापक्रम ९.४ डिग्री सेल्सियस र अधिकतम तापक्रम २० देखि २२ डिग्री सेल्सियससम्म पुग्ने अनुमान गरिएको छ।

देशभर दिनदिनै चिसो बढ्दै गएको महाशाखाले ध्यानाकर्षण गराउँदै आवश्यक सावधानी अपनाउन आग्रह गरेको छ।