भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

मुस्ताङमा मतदान केन्द्रसम्म पुग्न घण्टौँको यात्रा गर्नुपर्ने बाध्यता

मुस्ताङमा मतदान केन्द्रसम्म पुग्न घण्टौँको यात्रा गर्नुपर्ने बाध्यता

मुस्ताङ, ४ फागुन । मुस्ताङका कतिपय मतदान केन्द्रहरू सदरमुकाम जोमसोमदेखि १ सय किलोमिटरसम्मको दूरीमा पर्छन । यसबाट मतदातालाई मत हाल्न समस्या हुने देखिएको छ ।

विशेषगरी माथिल्लो मुस्ताङमा पर्ने लोमान्थाङ र लोघेकर दामोदरकुण्ड गाउँपालिकाका मतदाताले मतदान गर्न लामो यात्रा गर्नुपर्ने बाध्यता छ । नेपाल–चीन उत्तरी कोरला नाकासँग जोडिएको लोमान्थाङ गाउँपालिकाका ६ को मतदानस्थलमा पुग्न जोमसोमबाट गाडीमै झन्डै ६–७ घण्टा लाग्छ ।

गाडीको सहज पहुँच नपुगेका शाखा सडक र दुर्गम भू–भागका कारण वृद्ध, अपाङ्गता भएका व्यक्ति र महिलाहरूलाई विशेष कठिनाइ हुने स्थानीयको भनाइ छ । लोघेकर दामोदरकुण्ड गाउँपालिकाका मतदान केन्द्रहरू पनि सदरमुकामबाट झन्डै १ सय किलोमिटर दूरीमा छन् ।

कोरला सडकसँग जोडिएका केही ठाउँमा आवतजावत सहज भए पनि धेरैजसो बस्तीबाट मतदान केन्द्रसम्म पुग्न घण्टौँ लाग्ने गर्छ । मतदानपछि मतपेटिका जोमसोम ल्याउन समेत राति अबेरसम्म समय लाग्ने भएकोले सुरक्षा र मतपेटीका व्यवस्थापनमा समेत चुनौती छ ।

वारागुङ मुक्तिक्षेत्र गाउँपालिकाका मतदान केन्द्रहरू पनि जोमसोमबाट झन्डै ५० किलोमिटर टाढा छन् । हिमाली भूगोल, चिसो मौसम र लामो दूरीका कारण मतदाताको सहभागितामा असर पर्न सक्ने देखिएको छ ।

जिल्लामा ३९ मतदानस्थल कायम गरिएपनि भौगोलिक विकटता मुख्य चुनौती बनेको छ । मतदान केन्द्र टाढा हुँदा मतदाता सहभागिता घट्ने, विशेष गरी वृद्ध तथा शारीरिक रूपमा अशक्त मतदाताले मतदानबाट वञ्चित हुन सक्ने जोखिम देखिएको छ । रासस

 


Thali Mobile Pvt.Ltd.