- १५ जेष्ठ २०८३, शुक्रबार / May 29, 2026
मुख्य बुँदा
भारतका विभिन्न राज्यमा जोखिमपूर्ण परिस्थितिमा रहेका १६ बालबालिकाहरू उद्धार
मधेस प्रदेश खेलकुद तथा समाज कल्याण मन्त्रालयको रोहवरमा अभिभावकलाई जिम्मा लगाइयो
उद्धारमा भारतीय प्रहरी र “किन इन्डिया” संस्थाको सहयोग
बालबालिकाहरू मधेसका महोत्तरी, धनुषा, सिराहा, रौतहट र सप्तरी जिल्लाका
उमेर ९–१७ वर्ष, राष्ट्रिय बालअधिकार परिषद्को निगरानीमा प्रक्रिया सम्पन्न
काठमाडौँ, १४ कार्तिक । भारतका विभिन्न राज्यमा जोखिमपूर्ण कार्यमा लगाइएका १६ जना बालबालिकाहरूलाई उद्धार गरी आज उनीहरूको परिवारलाई जिम्मा लगाइएको छ ।
मधेस प्रदेशका खेलकुद तथा समाज कल्याण मन्त्रालयको रोहवरमा बालबालिकालाई परिवारको जिम्मा लगाइएको हो । उनीहरू भारतको मुम्बई, दिल्ली र विहारस्थित जोखिमपूर्ण परिस्थितिबाट उद्धार गरिएको थियो ।
बालबालिकाहरूको उद्धारमा भारतीय प्रहरीले सहयोग प्रदान गरेको थियो भने “किन इन्डिया” नामक संस्थाले सबै प्रक्रिया पुरा गरेको थियो ।
त्यसपछि मधेस प्रदेशका खेलकुद तथा समाज कल्याण मन्त्रालयका निमित्त सचिव रञ्जित यादवको रोहवरमा बालबालिकाको अभिभावकहरूलाई जिम्मा लगाइएको राष्ट्रिय बालअधिकार परिषद्को मधेस प्रदेश समन्वय अधिकृत सञ्जीव कुमार महतोले जानकारी दिएका छन् ।
उद्धार गरिएका बालबालिकाहरू मधेस प्रदेशका महोत्तरी, धनुषा, सिराहा, रौतहट तथा सप्तरी जिल्लाका हुन् । उनीहरूको उमेर ९ वर्षदेखि १७ वर्षसम्म रहेको छ ।
