- २६ असार २०८३, शुक्रबार / Jul 10, 2026
सोलुखुम्बु, १२ कार्तिक । सोलुखुम्बुको लबुचे क्षेत्रमा अल्टिच्युड एयरको हेलिकप्टर दुर्घटना भएको छ। लबुचे हेलिप्याडमा अवतरण गर्ने क्रममा हेलिकप्टर चिप्लिएर दुर्घटनामा परेको प्रमुख जिल्ला अधिकारी लिलाकुमारी केसी पाण्डेले जानकारी दिइन्।
दुर्घटना बुधबार बिहान भएको हो। हेलिकप्टरमा पाइलटबाहेक अन्य यात्रु नभएको प्रहरी नायब उपरीक्षक मनोजित कुँवरले जानकारी दिए।
उनका अनुसार पाइलट सकुशल रहेका छन् र हेलिकप्टरमा सामान्य क्षति पुगेको जनाइएकाे छ । घटनास्थलमा स्थानीय प्रशासन र सुरक्षाकर्मी पठाइएको जिल्ला प्रशासन कार्यालयले जनाएको छ।
