- ३० असार २०८३, मंगलवार / Jul 14, 2026
विराटनगर, २० माघ । मोरङको रंगेली नगरपालिका – ५ मा एक युवकले ससुराली घरमै पत्नीको हत्या गरी आत्महत्यासमेत गरेका छन् । प्रहरीका अनुसार मंगलबार बिहान करिब २ : ४५ बजे रंगेली–५ धनपट्टीमा घटना भएको हो । रंगेली–५ बहुवनका २१ वर्षीय मुकेशकुमार मण्डल ससुराली पुगेका बेला २१ वर्षीया पत्नी अम्बिकाकुमारी मण्डलमाथि चक्कु प्रहार गरेका थिए ।
चक्कु प्रहारबाट अम्बिकाकुमारी मण्डलको घटनास्थलमै मृत्यु भएको प्रहरीले जनाएको छ । पत्नीको हत्या गरेपछि मुकेशले सोही चक्कुले आफ्नै घाँटीमा प्रहार गरेका थिए । गम्भीर घाइते भएका मुकेशको पनि घटनास्थलमै मृत्यु भएको मोरङ प्रहरीका डीएसपी लीलाराज लामिछानेले जानकारी दिए ।
घटनाको कारण खुल्न नसकेको भन्दै प्रहरीले घटनाबारे थप अनुसन्धान भइरहेको जनाएको छ ।
