तनहुँमा जंगली च्याउ खाँदा पाँच जना बिरामी

काठमाडौं । तनहुँमा जंगली च्याउ खाँदा पाँच जना बिरामी परेका छन्। आँबुखैरेनी गाउँपालिका–६ हिले खर्कका डिलबहादुर गुरुङले नजिकैको जंगलबाट ल्याएको च्याउ खान दिँदा परिवारका सदस्य तथा छिमेकी बिरामी परेको प्रहरीले जनाएको छ।

बिारामीमध्ये ९२ वर्षीय रणबहादुर गुरुङ, ८५ वर्षीय द्रोणपति गुरुङ र ५८ वर्षीया पम्फी गुरुङको उपचार तनहुँको आबुखैरेनी अस्पतालमा र ५४ वर्षीय डिलबहादुर गुरुङ र ५७ वर्षीय मधु गुरुङको नयाँ मेडिकल कलेज भरतपुर, चितवनमा उपचार भइरहेको जिल्ला प्रहरी कार्यालय तनहुँका प्रहरी नायब उपरीक्षक दीपककुमार रायले जानकारीले दिए।