- २७ बैशाख २०८३, आईतवार / May 10, 2026
काठमाडौं । मौसम पूर्वानुमान महाशाखाले देशका विभिन्न ठाउँमा पानी पर्ने सम्भावना रहेको जनाएको छ । विहीबारदेखि तीन दिन पानी पर्ने महाशाखाले जनाएको हो ।
कृषिबालीहरू भित्र्याउने समय भएकाले मौसमबारे जानकारी लिएर मात्रै बाली काट्न विभागले अनुरोध गरेको छ । देशका विभिन्न ठाउँमा पानी पर्ने सम्भावना रहेको मौसमविद्ले जनाएका छन् ।
कोशी प्रदेशको एक–दुई स्थानमा भारी वर्षाको सम्भावना रहेको महाशाखाले जनाएको छ । देशको उच्च पहाडी तथा हिमाली भू–भागका थोरै स्थानहरूमा हल्का वर्षा र हिमपातको सम्भावना रहेको छ ।
दिन तीन देशका विभिन्न ठाउँमा पानी पर्ने सम्भावना रहेकाले मुसुरो, गहुँ लगायत बाली काट्ने भए मौसमबारे जानकारी लिएर मात्रै बाली काट्न महाशाखाले अनुरोध गरेको छ ।
