- २२ श्रावण २०८३, शुक्रबार / Aug 7, 2026
मालवाहक ट्रकबाट १ लाख २० हजार ६२० ट्रामाडोल क्याप्सुल बरामद
राजस्व छलीको आशङ्कामा ट्रक नियन्त्रणमा लिइएको थियो
पथलैयामा जाँच गर्दा प्रतिबन्धित औषधि फेला
घटनाबारे थप अनुसन्धान जारी
सम्बन्धित निकायले कानुनी प्रक्रिया अघि बढाएको जनाएको छ
काठमाडौँ, ९ असार । वीरगन्जबाट काठमाडौंतर्फ आउँदै गरेको मालवाहक ट्रकबाट ठूलो परिमाणमा प्रतिबन्धित औषधि ट्रामाडोल बरामद गरिएको छ।
जिल्ला प्रहरी कार्यालय पर्साबाट खटिएको टोलीले असार ८ गते साँझ करिब ७ बजे राजस्व छलीको आशङ्कामा बा.प्र. ०३–००१ ख ३३४६ नम्बरको मालवाहक ट्रकलाई नियन्त्रणमा लिएको थियो।
उक्त ट्रकलाई बारा जिल्लाको जितपुरसिमरा उपमहानगरपालिका–१ स्थित राजस्व अनुसन्धान कार्यालय, पथलैयामा बुझाएर विस्तृत जाँच गरिएको थियो।
जाँचका क्रममा ट्रकबाट १ लाख २० हजार ६२० क्याप्सुल प्रतिबन्धित ट्रामाडोल फेला परेको प्रहरीले जनाएको छ।
घटनासम्बन्धी थप अनुसन्धान भइरहेको छ भने बरामद औषधिको स्रोत र संलग्न व्यक्तिहरूबारे अनुसन्धान अगाडि बढाइएको जनाइएको छ।
